> For the complete documentation index, see [llms.txt](https://wiki.meharmp.in/llms.txt). Markdown versions of documentation pages are available by appending `.md` to page URLs; this page is available as [Markdown](https://wiki.meharmp.in/poems/when-your-favourite-artist-dies.md).

# When your favourite artist dies

പ്രിയപ്പെട്ട കലാകാരൻ പിരിഞ്ഞു പോകുമ്പോൾ

മുകുന്ദൻ മരിക്കുമ്പോൾ കൂടെ കൊണ്ടുപോകുന്നത് എന്റെ ക്ഷുഭിത യൗവനമായിരിക്കും 

ഡൽഹിയുടെ കൊൽക്കത്തയുടെ നഗരവീഥികളിലൂടെ അകക്കണ്ണാലെ കണ്ട കാഴ്ചകൾ 

MT പോകുമ്പോൾ ഞാനും വിമലയും കുമയൂൺ താഴ്വരയിൽ ഇനി എന്തെന്നറിയാതെ നിന്നുപോകും

പുനത്തിലിന്റെ കൂടെ പോയത് എന്റെ ഏറ്റവും പ്രിയപ്പെട്ട കുട്ടിക്കാല ഓർമകളാണ്

തറവാട്ടിൽ രാത്രി വലിയുപ്പ സ്മാരക ശിലകൾ വായിച്ചിട്ട് എനിക്കും ഉമ്മച്ചിക്കും കഥ പറഞ്ഞു തരുന്നത്

nബഷീറും പദ്മരാജനും നമുക്ക് ഓർമ്മവെക്കും മുൻപേ കടന്നുപോയത് എത്ര നന്നായി

ഇർഫാൻ പോയത് കേട്ടപ്പോൾ നഷ്ടപെട്ടത് സ്‌ക്രീനിൽ കാണാറുള്ള ഏറ്റവും സാമ്യത തോന്നിയ ഒരാളായിരുന്നു\\

മനസ്സുകൊണ്ട് നമ്മൾ ജീവിച്ച നൂറു ജീവിതങ്ങളിൽ പലതും ഇടക്ക് മുറിഞ്ഞുപോകുന്ന പോലെ

പ്രിയപ്പെട്ട കലാകാരൻ മരിക്കുമ്പോൾ നമ്മളിലെ ഒരു ഭാഗം തന്നെയല്ലേ കൊഴിഞ്ഞുപോകുന്നത്

\#RIP Irfan, you will be missed.